2799/2023-2024

Khawzawl, 16th November 2023: Vawiin khan KVK Khawzawla thawktute chuan Rabung khua-a Tomato chingtu chhungkua 30 te nen Phunchawng, Kangfim leh Khumzawl zauah Field Day an hmang.

He hunah hian Dr. Malsawmkimi, Senior Scientist & Head, Pu Rambuatsaiha, Subject Matter Specialist (Agronomy) leh Pi R. Vanlalduati, Subject Matter Specialist (Soil Science) te chuan Tomato chingtute tana pawimawh hrang hrang zirtirna an pe ani. Rabung khuaah hian kum 2021 atangin Tomato an lo ching tan tawh a, KVK-a thawktute hian zirtirna pe thinin, Tomato chi Arka Abhed leh Arka Samrat hi KVK Khawzawlten IIHR-NEH scheme hnuai atanga an pek a ni a. Rabung khua hian Tomato hi an seng mek a, quintal seng tawhin tunah hian seng mek zel a ni.

KVK hian kum 2015 khan Tuipui khua-ah fur laia Tomato chin hi bul an lo tan tawh a, Khawzawl District chhunga khaw hrang hrang Tualte, Chawngtlai, Neihdawn leh Khawhai-ah te zirtirna pein Tomato hi an ching chho tan a, KVK te hian Tomato chin kawnga harsatna an tawh leh mamawh ang zelin zirtirna an pe thin a ni.