2798/2023-2024

Champhai the 16^th November, 2023 – India ram pum huapa Press lam thawktute puala Ni ruat bik, National Press Day 2023 chu ‘Media in an Era of Artificial Intelligence’ tih thupui hmangin vawiin khan I&PR Conference Hall, CHANEM ah hman a ni.

National Press Day 2023 program ah hian I&PR Department thawktute leh Champhai District MJA member-te telin, Pu Vanlalruata Hnamte chu Resource person a ni.

National Press Day 2023 hun kaihruaitu Champhai DIPRO Pi C.Lalremruati chuan media leh technology te chu thil kalkawp tlat an nih thu sawiin, media thawktu kalkhawmte chu technology lama thil thar awmte lo inzir thuai thin tur leh an hnathawhna ah te tangkai taka hmang thin turin a chah a ni.

Resource person Pu Vanlalruata Hnamte chuan ‘Media in an Era of Artificial Intelligence’ tih thupui hmangin zirtirna a pe a. Artificial intelligence (AI) awmzia leh media ten an hnathawhna kawng hrang hranga AI an hman tangkai theih dan te, AI hman sual anih theih dan te a zirtir a, sawihona leh zawhna leh chhanna hun tha tak an hmang ho zui a ni.

Artificial intelligence (AI) chungchang hi I&PR thawktute leh media ten chiang leh zuala an hmelhriat theihnan Workshop buatsaih thuai an rel ho bawk a ni.

National Press Day hi November ni 16, 1966 a Press Council of India (PCI) din champha pualin India ram pumah kum tin November ni 16 ah urhsun taka hman thin a ni a. A lawmna pui ber hi New Delhi ah PCI buatsaih a neih thin niin, Union I&B Minister hova hman thin a ni a.

India rama media mite zalenna humhim tur leh an hnathawhna kawngah a tha zawnga kaihruaia, reponsible media neih theihna turin Press Commission hmasa ber khan kum 1956 ah Press Council of India din chu sawrkar laipui hnenah a recommend a, hei hi kum 10 hnuah tih puitlin niin, Indian Press Council Act 1965 behchhanin November ni 16, 1966 ah khan PCI hi alo function tan ta a ni.