2797/2023-2024

Dated Serchhip, the 16^th November, 2023: Vawiin khan Serchhip Additional DC Pu Lalnundika hoin Serchhip DC meeting hall ah vote chhiar inpuahchahna bul tan nan meeting pawimawh neih a ni a. He hunah hian Serchhip SP Pu MS Dawngkima pawh a tel a ni.

Serchhip District chhungah Assembly Constituency pathum - 26-Serchhip, 27-Tuikum leh 28-Hrangturzo te awmin heng Constituency tina vote tla te chhiar turin ECI duhdan angin ruahmanna siam a ni a. Vawiin meeting ah hian Counting Hall hmunhma tur te, venhimna chungchang te, chanchinbumi te dawnsawn na tur Media Centre ruahman dan tur te sawiho a ni a. Sawrkar hnathawk vote chhiar tur inruat dan tur leh training mumal taka neih dan tur te, training na hmun tur te sawiho niin, ruahmanna siam nghal a ni a. Kar thar lo awm tur atang hian vote chhiar turte leh vote chhiar kaihhnawiha duty tur official te tan training buatsaih tan nghal tur a ni.

Vawiin meeting ah hian Assembly Constituency tina Returning Officer leh Assistant Returning Officer te bakah Serchhip SP leh Additional SP, DIPRO leh Assembly Level Master Trainer te an kalkhawm a ni.