3796/2022-2023

Khawzawl the 9th March, 2023: Vawiin chawhma dar 10:30 khan MZU hnuaia Departmet of Biotechnology leh KVK Khawzawl tangkawp chuan Khawhai-ah loneitute thlan chhuah bik te tan tan Medicinal & Aromatic Plants chungchangah Training an buatsaih.

Zirtirna petu Dr. Ranbir Singh, Professor, Mizoram University (MZU) chuan Mizoram-ah Medicinal & Aromatic Plants chi hrang hrang a tam thu leh hengte hi chhawr tangkai thiam chuan Mizoram-ah Project lian taktak seng luh theih a beiseiawm tih a sawi a. Medicinal & Aromatic Plants zingah tam tak chu a hralhna tur Market awmsa a nih thu leh Citronella-te pawh variety tha zawk chawk luh a, Company thawhpui tur zawngin, Oil thar chhuahte awlsam takin a hralh chhuah theih a beiseiawm tih a sawi a. Mizorama Medicinal & Aromatic Plants tam tak awmte chu chhawr tangkai thiam chuan kuthnathawktute tan eizawnna ngelnghet siamsaktu a nih theih a ring tih a sawi bawk.

Vawiin Training hi KVK Khawzawl Senior Scientist & Head Dr. Malsawmkimi'n kaihruaiin Dr. Ranbir Singh hian Powerpoint Presentation hmangin Medicinal & Aromatic Plants chi hrang hrang chin leh enkawl dan zirtirna a pe a. Pi R. Vanlalduati, SMS (Soil Science), KVK Khawzawlin Medicinal & Aromatic Plants chinna tur leilung sawngbawl dan tur zirtirna a pe bawk a. Training neih zawh hian Farmers Scientist Interaction neih a ni a, loneitute hnenah hian an thlai chinte enkawlna tur damdawi chi hrang hrang a thlawnin an sem bawk a ni.