2848/2023-2024

Khawzawl, 24th November 2023: Vawiin khan KVK Khawzawl, Champhai District-ah NABARD Mizoram Regional Office leh KVK thawktuten, “On site Bi structured meeting” KVK Khawzawlah an nei a. He hunah hian NABARD General Manager/OIC Pu KVSSLV Prasada Rao hovin Pu T. Khup Guite, Deputy General Manager, District Development Managers – Champhai, Kolasib, Lunglei leh Asst. General Manager pahnih leh Assistant Manager NABARD Mizoram Regional Office Aizawl atangin an lo kal a ni.

KVK Senior Scientist & Head Dr. Malsawmkimi leh a thawhpuiten NABARD hotute hi an lo dawngsawng a. He meeting hi KVK Training Hall-ah neih niin Pi H. Lalhmachhuani, District Development Manager, Champhai District in  kaihruaiin “Bi structured meeting” neih a nih chhan a sawifiah a ni. Dr. Malsawmkimi, Senior Scientist & Head, KVK Khawzawl chuan NABARD hnuaia project 3 an lo neih tawh, heng– Paddy cum fish culture, Crop diversification through the introduction of improved garlic variety- G282 leh Crop intensification through rice pea  cropping system te chu NABARD hotute hnenah sawifiah a. Heng bakah hian hmalakna tur hrang hrang leh KVK nena thawhhona tur awm thei te an sawi ho hnuah KVK demonstration Unit hrang hrangte an tlawh kual bawk a ni.