4284/2023-2024

Khawzawl, 21st March 2024: Vawiin khan KVK Khawzawl Training Hall-ah Krishi Vigyan Kendra (KVK) leh North East Initiative Development Agency (NEIDA) tangkawp huaihawtin FPO hnuaia Tuipuiral Apple Growers Association hnenah Tuipuiral VDVK Vermicompost Training Programme Pradhan Mantri Janjatiya Vikas Mission ( PMJVM) hnuaiah Changpat leitha siam dan zirtirna neih a ni.

He hunah hian Leisenzo leh Lianpui khua atangin Apple chingtute an kalkhawma, Dr. Malsawmkimi, Senior Scientist & Head chuan he hun hi kaihruaiin KVK nihphung leh kuthnathawktute tan an mamawhna zawnah englaipawhin KVK a thawktute chu an awm reng thu a sawi a, kuthnathawktu kalkhawmte hnenah Apple-in a mamawh leitha siam chhuaha an thlai chinte rah tha chhuah tura an leilung enkawl that leh duat a pawimawh zia thu te a sawi a. Pi Lalchhuanawmi Ralte, CEO FPO chuan kuthnathawktu kalkhawmte inhmelhriat tirna hun hmangin kuthnathawktu kal khawmte chu, Ginsawmtluanga Accountant in an rawn telpui bawk ani. Leitha siam dan hi Pi R. Vanlalduati, SMS (Soil Science) KVK Khawzawl chuan zirtirna hi a pe a ni.

North East Initiative Development Agency (NEIDA) hnuai atang hian Apple ching tur hian khua 4 thlan chhuah niin chungte chu – Khuangleng, Leisenzo, Lianpui leh Vangchhia an ni a, an vai hian mi 220 an ni. Kum 2021 atangin Apple te hi phun tan an ni a, kum 2025 atang chuan heng Apple te hi Mizoram chhung ngeia hralh chhuah theih tura buatsaih mek ani a, heng Apple thar chhuah te hi pure organic vek an ni bawk. Apple chingtute hi a tir atangin NEIDA hian a phun leh enkawl kawngah hma nasa takin an lakpui thin a ni.