4283/2023-2024

Mamit 21st March, 2024 :  MP Lok Sabha General Election - 2024 neih tura inpuahchahna kal mekah  tukin khan Mamit DC, NIC Room-ah Pu V.L. Remliana, District Election Officer hovin 1st Randomization of EVM neih a ni a. Mamit District chhung constituency pathuma EVM hman turte khawl hmanga thliar fel a ni.

Pu V.L. Remliana, District Election Officer chuan Election Commission of India duhdan anga inthlanna a hman tur EVM te chu khawl hmanga thliar fel a ni a, khawi constituency ah nge a kal dawn tih chu hriat lawk a nih loh thu a sawi, ECI ruahmanna leh duhdan chu a rintlakin a felfai thu a sawi a, EVM khawl hman turte hi a hman tlak leh tlak loh endik leh vek a ni ang a, khawl hmanga thliarfelna 2nd Randomization hi neih leh tur niin, mahni duh anga siksawi leh khawih chingpen theih a nih loh thu a sawi.

Mamit District chhunga polling stations 121 atan set 175 (CU=175, BU=175 leh VVPAT=186) bakah a ṭul thulha hman tur thlavenga dah hran (reserve) atan set 27 (CU=28, BU=27 leh VVPAT=27) chu thliar fel a ni a. ECI-in inkaihhruaina a siam angin, reserve-a dah tur hi CU 45%, BU 45% leh VVPAT 55% anga chhut a ni. Tihian EVM/VVPAT random-a a pick telh loh ala bang zawng CU=28, BU=27 leh VVPAT=27 a ni.

Tukin 1st Randomization tih zawh hian Political Party aiawhte nen hian strong room-a EVM khawlte enfel leh a ni. He hunah hian Political Party aiawhte, Election Officer, DIPRO aiawh leh Election Officials dangte an tel a ni.