4282/2023-2024

Champhai, the 21st March, 2024: General Election to Lok Sabha, 2024 a hman tur EVM leh VVPAT te Champhai District chhunga Parliamentary Segment 3 (23-Champhai North AC, 24-Champhai South AC leh 25-East Tuipui AC) a hman tur computer hmanga thlan chhuaha semrualna 'First Randomization of EVM & VVPAT' chu vawiin khan NIC Conference Hall, Keifangtlang, Champhaiah neih a ni.

First Randomization-ah hian Champhai District-a Parliamentary Segment pathuma EVM leh VVPAT hman turte chu Computer hmanga thlan chhuaha semrual a ni a. Balloting Unit (BU), Controlling Unit (CU) leh Voter Verifiable Paper Audit Trail (VVPAT) inkawp turte thliar fel a ni a. Tun dinhmuna Champhai District-a kawl mek BU 138, CU 151 leh VVPAT 145 atangin BU leh CU 121 (145%) ve ve leh VVPAT 128 (155%) te semrual a ni a. Heng bakah hian BU reserve 64%, CU reserve 79% leh VVPAT reserve 72% te dah a ni bawk.

First Randomization kaltlang hian Polling Station 30 awmna 23-Champhai North Parliamentary Segment atan BU 43, CU 43 leh VVPAT 46 dah a ni a. Polling Station 25 awmna 24-Champhai South Parliamentary Segment atan BU 36, CU 36 leh VVPAT 38 te dah niin, Polling Station 29 awmna 25-East Tuipui Parliamentary Segment atan BU 42, CU 42 leh VVPAT 44 te dah a ni.

Frist Randomization zawhfel hnu Assembly Segment tin tana a hranpaa siam Strong Room-ahte EVM leh VVPAT khawlte hi venhimna khauh tak hnuaiah dah luh a ni.

Vawiin EVM/VVPAT First Randomization-ah hian District Election Official-te leh party hrang hrang aiawhte an tel a ni.