644/2023-2024

Khawzawl, the 1st June, 2023: Vawiin chawhma dar 11:00 hian KVK Khawzawl chuan Chhawrtui Community Hall-ah 'Sawhthing tam ven leh enkawl dan' tih thupui hmangin training an buatsaih a. He hun hi Dr. Malsawmkimi, Senior Scientist & Head, KVK Khawzawl chuan kaihruaiin training a pe nghal bawk a ni.

He hunah vek hian Mission Life Activities Action Plan a tel, van ruahtui tla luangral mai turte venna tura tui dahkhawlna tur siamna kawnga hmalakna, 'Creating Awareness for Rain Water Harvesting and Its Efficient Use (Catch the Rain)' tih thupui hmangin Dr. Om Prakash, Subject Matter Speciallist (Agronomy) chuan zirtirna a pe bawk. Training hi loneitu mi 80 in an chhim a, an hlawkpui hle a ni.

Chhawrtui khuaah hian kumin hian chhungkaw 140 in sawhthing an ching a. Nikum khan sawhthing quintal 4,050 thar chhuakin, Rs 1,50,58,440 (nuai za sawmnga singnga sangriat zali leh sawmli) man zet an hralh a ni. KVK Khawzawl chuan kum dangahte pawh sawhthing chin kawnga pawimawh inzirtirna hun training an lo buatsaih fo tawh thin a ni.