643/2023-2024

Lunglei the 1st June, 2023 – Pu Liansangzuala Chhakchhuak, Additional Deputy Commissioner Lunglei chuan 30th May 2023 khan a hnuai a mi ang hian electronic weighing machine hman chungchangah thuchhuah a siam.

Controller of Legal Metrology, Government of Mizoram chuan Order No.C.18016/6/2020-DTE(WM)/25 dated 20.08.2020 kaltlangin iron rod dealer reng reng chuan September, 2020 ral hma ngeiin electronic weighing machine an hmang vek tur a ni tih Order a chhuah tawh a.

Secretary to Government of Mizoram, FCS&CA Department chuan Notification No.S.14011/10/2006-FCS&CA dated 24.03.2023 kaltlangin iron rod hralh nan a buk a buk chauh phal a nih thu leh, Legal Metrology Wing, FCS&CA Department-in an endik electronic weighing machine chauh hman tur a nih thu a chhuah tawh bawk a.

Chuvangin, Lunglei district mipuiten iron rod (TMT Bar) buk tling leh dik ngei kan lei theih nan, Lunglei district huam chhunga iron rod dealer zawng zawng te chu ni 05.06.2023 (Thawhtanni) ral hma ngei a electronic weighing machine chauh hmang ngei turin hriattir an ni e.

Order regd use of digital weighing machine by iron rod dealers_LLI_30052023 (1).pdf