2120/2025-2026

Khawzawl, dated 31st October 2025: Vawiin khan KVK Khawzawl chuan Rabi Campaign hun hmangin Dulte leh Puilo khuaa kuthnathawktute hnenah thlasik thlai chin dan an zirtir.

He hun hi Dr. Malsawmkimi, Senior Scientist & Head, KVK Khawzawl chuan kaihruaiin, Pu Rambuatsaiha, SMS (Agronomy), KVK Khawzawl chuan training a pe a. Dulte atangin kuthnathawktu 55 leh Puilo atangin 37 training tur hian an tel a ni.

He Rabi Campaign-ah hian ICAR-Indian Institute of Horticultural Research (IIHR), Bengaluru leh Indian Agricultural Research Institute (IARI), New Delhi, NEH Scheme hnuai atanga lo kal thlai chi te sem nghal a ni bawk.