2374/2025-2026

Dated Kolasib the 25th November, 2025: Vawiin chhun dar 11 am khan KVK Kolasib te chuan kuthnathawktu thlan bik te hnen ah Alu chi sem chhuah na hun an hmang a. Heng Alu te hi Indian Council of Agricultural Research, Central Potato Research Institute, Shillong, Meghalaya atanga hmuh a ni. He hun hi Dr. Michelle C. Lallawmkimi, Senior Scientist & Head KVK Kolasib chuan kaihruai in, kalkhawm te lawmna thu a sawi a, kuthnathawktu te an hnathawhah harsatna an neih chuan mithiam zawk te tun ai a be rawn tam zawk tura fuih nghal in, uar leh zual zawk a thlai ching tur in kalkhawm te a sawm nghal. Alu chi Mizoram in kan la intodelh loh thusawi in, kum tin a chi hi hmun dang atanga ngaihtuah a ngaihziah thu leh hei vang hian hma taka alu chhin theihna tur kawng ah nasa tak in harsatna a awm phah thin thu a sawi.

Alu hi variety thum sem chhuah ni in, chhung te chu Kufri Pukraj, Kufri Chandramukhi, Kufri Thar te an ni. Khaw sarih heng Phaisen, Bilkhawthlir, Buhchangphai, Thingdawl, Kawnpui Serlui zau leh Lungdai te atangin mi 20 thlan chhuah an ni a, heng mi 20 hnen ah hian alu chi 10 quintals leh natna laka veng thei tu tur damdawi chi thum (3) chu sem chhuah a ni. KVK Kolasib hian Kolasib district ah Alu chin leh enkawl dan hi hun rei tawh taka tang khan an lo buaipui tawh a, hei hi kuthnathawk tute pawh hian an chhawr tangkai hle a ni.

Technical session lam ah Dr. Carolyn Zothansiami (SMS, Soil Science) chuan Alu chin dan leh enkawl dan zirtirna a pe in, Pi R. Lalchhandami (SMS, Agriculture Engineer) chuan tunlai khawvel thiam na hmang a lei tel lo, tui chauh (Hydroponic) a thlai chin dan kalkhawm te a zirtirna nghal bawk a ni.

He hun hi College of Horticulture, Pasighat, Arunachal Pradesh a final year zirlaite chuan rawn chhimin hlawkthlak an ti hle a ni.

Pi R. Lalchhandami (SMS, Agriculture Engineer) chuan vote of thanks sawi in he hun hi tih tawp.