2375/2025-2026

Siaha, November 25, 2025: Vawiin chawhma dar 9:30 AM khan Sardar Vallabhbhai Patel pian champha kum 150-na puala 'Mera Yuva Bharat (MY Bharat)' hnuaia India ram inpumkhatna atana beihpui thlakna - "Sardar @150 Unity Campaign" hnuaiah Siahaah kawng zawh niin, sawrkar mi leh zirna In paruk atangin zirlai -200, ten kawng an zawh.

Kawng zawh hawnna hun hi Vaihpi field-ah neih niin Pi N. Rosaline-in kaihruaiin , Pu Vanlalchhuanliana, SDO (S) chu kuallian a ni. Khuallian chuan thu sawiin, zirna kawngah emaw thawhhona kawngah emaw pawh nise impumkhatna tha tello chuan rah tha a chhuah theih loh a ti a . India ramin khawvel huap pawha ram ropui leh changkang ni tura a inbuatsaihna (Vikshit Bharat 2047) pawh inpumkhatna tha a awm loh chuan thil harsa tak tur a ni, a ti. India in zalenna a hmuh tirh khan duh thlan tur chi hrang hrang a awm a, Sardar Vallabhbhai Patel leh mi hmasate remhriatna vang liau liaua India chu tun dinhmun thleng a nih thu a tarlang a ni.

Vaihpi field- ah hian Pu Lalnunhlua, SDPO chuan inlawmna thu sawiin, India hnam hla sak a ni a.Kal khawm zawng zawng ten ' Atmanirbhar leh Nasha Mukt bharat' pualin thu an tiam vek a ni. Khuallian Pu Vanlalchhuanliana, SDO (S) chuan kawngzawh tur te vailiamin, Siaha khawpui chhung Vaihpi field atanga Government Higher Secondary School, New Siaha thleng kawng hi zawh a ni.

Government Higher Secondary School, New Siaha tualah kawng zawh kharna hun hman a ni a, Pu N. Zakhai, Adviser to CEM, MADC chu khuallian a ni. Khuallian chuan tuna zirlai duhawm tak takte chu nakin huna ram leh hnam tan a mi chhuanawm tak tak tur annih thu a sawi a. Khawvel hmasawnna chak tak hian thil tha tam tak karah sualna a thlen fo a, a bik takin ruihhlo a hluar em em tiin, chumi laka inthiarfihlim nachang hre turin zirlai kalkhawmte a chah. Khuallian chuan mi dangte thawhpui kawngah vawiina kawngzawh tute chu hmasawnna thlentu ni se a duh thu tarlangin, thiante leh hnam dangte thian thaa siam kawngah theihtawp chhuah turin a chah nghal bawk.

Sardar@150 pual hian Social Media Reel Contest, Essay Writing Competition leh Quiz Competition - te buatsaih niin, MY Bharat Portal (mybharat.gov.in/pages/unity_march), atanga tel theih tura ruahmanna siam a ni bawk.

Vawiin kawng zawhna hun hi  Pu Manjeet Singh Sankhla, Superintendent of Police, Siaha, Pu T. Chatlua  (ADPC)Samagra, DEO Staff leh MJA Member-te’n an tawiawm a. Dr. Lalrengpuii Ralte, CMO, Siaha chuan lawmthu sawina neiin hun a khar.