No.2364/2021-2022

Aizawl, the 28th September 2021 : Vawin khan Prime Minister Narendra Modi hovin sik leh sa danglam ruala hlawk taka agriculture lama hmasawn theihna tur ‘Climate resilient Agriculture’ chu India ram puma Krishi Vigyan Kendra (KVK) centre tinah loneituten an hmang a. KVK Mamit District, Lengpui pawhin he hun hi KVK Centre Lengpui ah leh Lengte VC Hall ah sawrkar SOP zawm chungin Dr Vanlalhruaia Hnamte, Senior Scientist and Head kaihhruaina hnuaiah ang hmang.

He hunah hian sik leh sa inthlak danglam dan mil zela thlai hrang hrang hlawk zawka thar theih nan thlai chin tur dik te inhrilhhriatna neih a ni.

He mi rual hian World Rabies Day pualin KVK Lengpui Subject matter Specialist (Animal Science) C. Rinawma leh thawktuten Lengte khuaah ui thahnem tak anti rabies vaccine an pe bawk.