No.2363/2021-2022

Aizawl, the 28th September 2021 : Vawiin khan Confederation of Indian Industries (CII) buatsaih East India Summit -2021 chu a hawnna inkhawm neih a ni a. Inaugural function hi Shri G.Kishan Reddy, Minister of MDoNER in khualzahawm niin a hmanpui a ni.

He hunah hian Pu Amitabh Kant, CEO, NITI AAYOG chuan thuhmahruai sawina hun a nei a. India a Japan, France, British, Australia, USA, Nepal, Bangladesh ram palai te pawh telin thusawina hun an nei a. Anni bakah hian Financial Institutions hrang hrang- ADB, World Bank, JICA, NEDFi leh Company liana hotuten he hun hi an hmanpui bawk a ni.

He East India Summit-2021 hi East India leh North East India a State hrang hrang ten economy leh culture-a inkungkaihna nghet zawk an lo neih theih nana buatsaih a ni. He hunah hian State thenkhatte economic sector hrang hranga an potential leh an thar chhuahte phochhuahna hun pek an ni dawn a ni. East India Summit-2021-a special focus chu Ports, Railways, Aviation leh Future mobility a ni. He East India Summit-2021 in a tum chu India hmar leh hmarchhak hmasawna hrang hrang awm thei te haichhuaha chumi tihlawhtling theitu tur ram chhung leh ram pawna agencies te dap chhuah a ni.

He East India Summit Inaugural Function hi Mizoram atangin Line Department- Planning & Programme Implementation, Commerce& Industries, Horticulture, Power & Electricity, PWD, Agriculture, Tourism, Transport, UD&PA Department te pawh in an lo telpui a ni.

October ni 7 thlenga awh tur East India Summit-2021 ah hian Bihar, Chhattisgarh, Jharkhand, Odisha leh West Bengal te bakah Hmarchhak state - Assam, Mizoram, Odisha leh Tripura an tel dawn a. October ni 1 ah hian Mizoram in a participate ve dawn a. Hemi ni hi Mizoram in potential a neih te phochhuahna hun a tan hman a ni dawn a ni.