Kar hmasa Dt 13-14 November, 2015 khan Lawngtlai KVK a mithiam te chuan Sihtlangpui khuaa Theihai chingtute chu Theihai hrisel leh tui zawk an thar theih nana an mamawh chi hrang hrangte zirtirna hun (Farm School) an buatsaih saka, Theihai hmunah a tak ngeiin an tihchhin tir nghal bawk.

Dr. Michelle C. Lallawmkimi, Senior Scientist and Head, KVK Lawngtlai kaihhruaiin he hun hi buatsaih a ni a, KVK a thlai chin lama mithiam hrang hrangten Theihai chingtute hi zirtirna an pe a, huanah a takin thil tam tak an tih chin tir nghal bawk a ni.

Dr Michelle C. Lallawmkimi chuan, Lawngtlai District chu Theihai that duhna hmun a nih avangin Theihai chingtute tan hmakhaw eng tak a awm a ni a ti a, tunah pawh Sihtlangpui leh a chhehvel khuate Theihai chin mek Rangkuai Theihai chu kan rama a tui ber pawl a ni mek a ni. Hei vang hian a chingtute ten hlawk taka an thar theih nante, thei hrisel tak an thar theih nante inzirtirna hun hi buatsaih a ni a, hmun dangah pawh buatsaih tum a ni, a ti. Farm School an buatsaih mek hi RKVY hnuai hmalakna peng pakhat a nih thu a tarlang in, kum tluana thlai chin dan inzirtirna a nih avangin hun bi neia buatsaih reng a nih thu a sawi.

RKVY hnuai vekah hian Farm school R.Vanhne khuaa Serthlum chingtute hnenah neihpui a ni bawk a kumtluana serthlum huan enkawl dan ahmun ngeiah atakin zirtirna pek thin bawk ani.

He Farm School ah hian leitha pekdan te, Vitamin pekdan te, Bordeaux Paste leh a rah lawh hun hmaa ti tla thintu Thlangdar ven dan te inzirtirin an damdawi mamawhte sem thin ani.