2788/2025-2026

Siaha, 3rd January 2026: Vawiin khan KVK Siaha chuan Viksit Bharat - G RAM G Awareness Programme an hmang a. He hun hi Pi J.Vanlalhluzuali, Subject Matter Specialist (Agril.Extension) chuan kaihruaiin he programme - an hman chhan kalkhawmte hnen a hrilhfiahna a nei a ni.

Pu H. Malsawma , Village Council President, New Siaha 'E' chuan telpuiin MNREGS an kalpui dan tlangpui a sawi a . Kalkhawmte chu he programme hi tangkai tak leh  Sawrkar duh dan ang ngeia hmang turin a fuih nghal a ni. Pi S.Sisi Subject Matter Specialist ( Horticulture) chuan thu sawiin Viksit Bharat-G RAM G in a tum leh a nih phung kalkhawmte a hrilh fiah a . MNREGS nen a danglamna chiang takin a hrilhfiahna a nei  bawk a ni.

Vawiin hun hmanna hi Young Lai Association,New Siaha E II President , Secretary, Asst.Secretary, Treasurer leh MTP College Vaih II Executive Member ten telpuiin,Pu Lalhmingmawia, YLA New Siaha E II Secretary,  in lawmthusawi in hun khar.