No.2779/2020-2021

July 3 leh 4, 2020 khan ATARI Zone-VII hnuaia awm KVK hrang hrang ten Video Conferencing hmangin Annual Progress Workshop an nei a. He zone hnuaiah hian state hrang hrang – Meghalaya, Manipur, Mizoram, Nagaland leh Tripura te an awm a ni.

Kum 2019 (January -  December) Annual Report Workshop hi Pu Kailash Choudhary, Union Minister of Agriculture & Farmers Welfare, Govt. of India chuan a ni khatnaah Khuallian niin hun  a hmanpui a, a ni hnihnaah Dr. Randhir Singh, ADG(AE), ICAR, New Delhi chu Khuallian a ni thung.

He workshop ni khatna Session-I naah Dr. A.K. Gogoi, Former Director, ATARI, Umiam chu Chairman niin Dr. H.C. Bhattacharyya, Ex-Director of Extension Education, Assam Agriculture University, Jorhat chu Co-Chairman a ni a, Dr. R.K. Saha, Director of Extension Education, Central Agriculture University, Imphal leh Dr. B.C. Deka, Director, ICAR-ATARI, Zone-VII, Umiam te chu Panel Expert an ni a Session-II ah Dr. H.C. Bhattacharyya, Ex-DEE, AAU, Jorhat chu Chairman ni thungin Dr. A.K. Gogoi, Former Director, ATARI, Umiam chu Co-Chairman a nit hung a, Panel Expert-ah Dr. R.K. Saha, DEE, CAU, Imphal leh Dr. A.K. Singha, Principal Scientist, ATARI, Umiam te an awm thung.

Mizoram-a KVK pariat te'n a ni khatnaah an hmalakna report powerpoint presentation hmangin an pe a, tha takin an report an pek bakah hotute pawhin Mizoram KVK te hmalakna chu fakawm an ti hle a ni.

A ni hnihna program tan hma hian Dr. Lalmuanzovi (L), Senior Scientist & Head, KVK Hnahthial, leh KVK staff state hrang hranga boral te pualin sunna hun tawi hman a ni.

He Workshop ah hian Mizoram KVK te hmalakna atanga state dang ten zir tur an neih thu uar takin Chairman leh Panel Expert ten an sawi a, Mizoram KVK te an hming tha hle a ni. KVK te hmalakna mai bakah Dr. H. Saithantluanga, Director of Agriculture (Research & Extension) leh Dr. Samuel Lalliansanga Pachuau, IA, Dirrectorate of Agriculture (R&E) Govt. of Mizoram leh Directorate staff dang ten he Workshop hi a bul atanga an telpui avangin Dr. B.C. Deka, Director, ATARI Zone-VII chuan lawmawm a ti hle a, state danga KVK enkawltu (Host) te pawh Mizoram Agriculture Director in a enkawl KVK te a tuipui leh a tawiawm anga ti ve turin a sawm nghe nghe a ni.

He workshop hi Inrinni zan dar 7:30 pelh hnu khan tluang takin zawh fel a ni.