No.2780/2020-2021

Vawiin chawhma khan Border Safety Monitoring Team, Kolasib District leh Sub-headquarters YMA, Kolasib ruahmanna in Phaisen khua ramri dep a duty tur Saidan Branch YMA atanga Reserve Volunteer Force  mi 19-te chu Kolasib DC office tualzawl atangin Pu Vanlalchhuanawma Chawngthu, SDO (S) in a vailiam.

Pu Vanlalchhuanawma chuan State thenawm a hri vei an pun mek lai a, ramri dep a duty hna thawh hi a tulin a pawimawh hle, tih a sawi a, hrileng mek lak a Mizoram kan him theih nan duty-te uluk tak leh taima tak a tha thlah lova duty turin a chah a ni. 

Anni hi vawiin atangin July  ni 13, 2020 thleng Phaisen-a ramri kalkhan hmun li ah an duty dawn a, an lo hawn hun ah hian Medical Team ten Malaria an vei leh veiloh an lo endik leh vek dawn bawk a ni.