Vawiin khan Mamit-a LAD Conference Hall chu Pu Sangdingliana, Director, LAD-in a hawng.

Hawnna inkhawm Pu P.H Rualzakhuma, DLAO, Mamit kaihhruaiah thusawiin Director chuan V/C te hi khawtlang mipuite a taka enkawltute an nih thu tarlangin chumi atana training na hmun tur Conference Hall tha tak kan nei ta hi a lawmawm hle a ni a ti. V/C te dik tak leh fel taka mipuite tana an rawngbawlna hlen chhuak theuh turin a chah bawk.

He Conference Hall hawnna hunah hian Pu A. Biaklawma Additional DC pawhin thu a sawi bawk a ni.

He Conference Hall hawn thar hi a zauzawng 60ft X 34 ft niin Rs 15 lakhs senga sak a ni a, thla li (4) chhunga sak zawh a niin mi 200 vel leng thei tura ruahman a ni bawk.

He LAD Conference Hall hawn tharah hian Mamit District chhunga V/C te tan Training on the Database Survey and Maintenance of 13th Finance Commission Grant Account chungchangah training buatsaih a ni a. Hetah hian Pu F.Ronguauva, Inspector LAD, chu Resource Person niin Account vawndan leh V/C members te hriat tur leh tih turte chipchiar takin zirtir an ni a, thil hriat thiam loh zawhna leh chhanna hunte buatsaih a ni bawk a ni.

He V/C te tana training buatsaih ah hian V/C 71 atangin member 111 an tel a ni.