Nimin tlai dar 3:00 p.m. khan LAD Minister Pu P. C. Lalthanliana hovin a pisa ah LAD officer-te leh Dan hremi te chuan Saikhumphai a sawrkar phal lohva khawsate sawnchhuah chung changa thil kal dante thlir hovin, sawrkar hmalak tawhna te leh High Court-a mi thenkhat in hemi chungchang an zualko na te sawi ho a ni.

Saikhumphai ah hian sawrkar hriatpui lohvin chhungkua engemaw zat an lo khawsa a. Chung zingah chuan ramdangmi (foreigners) leh dan phal loh thil tawlh rutu (smugglers) engemaw zat an lo khawsa tel ve a ni. Vawi tam tak heng ho hi hnawh chhuah/haw tir (push back) an lo ni tawh thin a. A ram neitu (Parent V/C) leh NGO lian viz. Central YMA, YMA Sub-Hqrs., Champhai leh Tuipuiral Group YMA te pawhin he khua a phalna lova awm te hi hnawksak tiin sawrkar ah sawnchhuah an duhna lehkha te pawh an thehlut bawk a ni.

Mizoram State Level Unauthorised Settlers Committee te pawhin a hmun ngeiah kal in an zir chiang ta a. Sawrkar pawhin Saikhumphai a chengte sawn chhuah hi ram leh hnam kal zel turah thil tul tak leh tih makmawh a ngaiin, sawnchhuak turin ruahmanna a kalpui ta a ni. He tih laia rokhawlhna siam zawnga hma lo la te an awm hi sawrkarin pawi a tih hle a. Sawrkar in Resettlement a ruahmanna chungchanga Court-a an zualko na hi court-in thu thling ah a pawm leh pawm loh hi a ngaih tuah dawn chauh a. He tih rual hian sawrkarin Saikhumphai a chengte sawnchhuahna tura hma lakna hi Saikhumphai mite pawhin zawn ngei turin sawrkar chuan a duh takzet a ni.