117/2022-2023
Aizawl, 11th April, 2022 : LAD Minister Pu K. Lalrinliana chu vawiin khan New Delhi-a Panchayati Raj Ministry huaihawt "National Stakeholders Conference on Localisation of Sustainable Development Goals" ah telin thusawina hun tha tak a chang a ni.

Pu K Lalrinliana chuan he hunah hian Localisation of Sustainable Developement Goals hnuaia thupui pathum - Child Friendly, Clean & Green leh Healthy Village chu Mizorama khaw 3 thlan chhuahah kalpui phawt a nih dawn thu a sawi a. Sustainable Develoment Goals localisation atan Rural Local Body (Village Council) tih chak a tul thu pawh sawiin, hemi atan hian Mizoram sawrkarin ngaihtuahna uluk taka a sen thu leh, tuna VC Dan hman lai mek chu VC tichak lehzual thei tur Dan thara thlak tuma hmalak mek a nih thu a sawi bawk a ni.

He hun hi Azadi Ka Amrit Mahotsav Iconic Week kalpuina pakhat niin, India Vice President Pu Venkaiah Naidu chuan a hawng a. State hrang hrang sawmpahniha Minister te telin Union PRI Minister Pu Giriraj Singh a hovin thupui sawihona neih a ni.