Tukin zing dar 8:00 khan LAD Minister Pu P.C.Lalthanliana chuan a bialchhung Zotlang Community Hall sak mek a tlawh.

He Hall hi kum 2000 a bultan niin, tun thleng a sum an hmanral chu nuai 61vel a ni a, bialtu MLA in a Hall hman theih tur atana hmalak nan cheng nuai 4 a ruahman sak a, sum la mamawh belh tur chu HPC atanga ruahman a ni ang a ti. Hall-ah hian Table Tennis hall awmin hman theih a peih a ni tawh a, Lunglei ah he hall hi tha ber leh changtlung ber tura ngaih a ni. Hall ah hian Committee Room, Library te dah tel ani dawn bawk.

Kum 10 chhung zet chhunzawmloh anih hnu ah, hman theih mai tura ruahman a ni chu veng mipui leh khawtlang hruaitu te an lawm hle a ni. Zotlang khawtlang hruaitu te hian khawtlang mamawh hrang hrang bakah khel mual puitling siamna tur chungchang Minister hnen ah hian thlen in, a tul anga ngaihtuah sak a tum thu Minister hian a sawi bawk. Mual laih na tur cheng nuai 10 pawh ruahman sa anih thu sawi a, kumthar lam ah mual laih tan hna hi an tan theih ngei a beisei thu a sawi bawk.