Vawiin chawhnu dar 2 khan Lai Autonomous District Council (LADC) Chief Executive Member (CEM) atana ruat thar Pu T.Zakunga chu LADC Hall, Lawngtlaiah Bawrhsap Dr A. Muthamma IAS chuan rinawmna thu tiamtirin a la lut.

Lak luh inkhawm hi LADC-a Executive Secretary Pu H.Lalramenga'n a kaihruai a. Rev. H.Lalsangliana'n hunserh hmangin, Kaihruaitu ES-in sawrkar notification a chhiar chhuah hnuah Lawngtlai DC chuan CEM thar hi thu a tiamtir a ni. Hemi zawh hian pawl hrang hrang leh mimalin CEM hi pangpar leh thilpek dang an hlan a.

CEM a nih hnua a hmasa ber atan Pu T.Zakunga chuan thu a sawi nghal bawk. CEM thar hian Executive Member tur mi pali a ruat nghal a. Chu'ngte chu Pu C.Lalneihkhuma, Pu H. Chhuanawma, Pu L.Lawmkima leh Pu C.Sangchhunga te an ni. Rev. EF Sangchem chuan malsawm tawngtaina sawiin, CEM lak luh inkhawm hi khar a ni.