Vawiin chawhma dar 11 khan Lai Autonomous District Council (LADC)-a Executive Member atana ruat thar mi pakua (9) chu LADC Hall, Lawngtlaiah Bawrhsap Dr A. Muthamma IAS chuan rinawmna thu tiamtirin a la lut.

Lak luh inkhawm hi LADC-a Executive Secretary Pu H.Lalramenga'n a kaihruai a. Rev. V.Suikharliana'n hunserh hmangin, inkhawm kaihruaitu ES-in sawrkar notification a chhiar chhuah hnuah Lawngtlai DC chuan EM atana ruat thar mi pakua te hi thu tiamtirin a la lut nghal a ni.

Vawiina Executive Member atana lak luh takte hi Pu C. Lalneihkhuma, Vathuampui bial; Pu H.Chhuanawma, Lawngtlai College Veng bial; Pu L. Lawmkima, Cheural bial; Pu C. Sangchhunga, Lawngtlai Bazar bial; Pu KC Malsawmdawngliana, Tuithumhnar bial; Pu Laltlawmlova Chinzah, Diltlang South bial; Pu Lallawmsanga Apetow, Sekulh bial; Pu JC Ngurluaia, Bungtlang S bial leh Pu C.Lallungmuana, Lungpher S bial te an ni.

EM tharte lak luh an nih zawh hian Chief Executive Member Pu T.Zakunga chuan heti ang hian an Department chan turte a puang nghal a:

1. Pu C. Lalneihkhuma - Education (P/S), SSA (P/S), AH & Vety, Parliamentary Affairs;

2. Pu H.Chhuanawma - LAD, UD&PA, I&PR, Law & Judicial;

3. Pu L. Lawmkima - Art & Culture, Social Welfare, Sericulture;

4. Pu C. Sangchhunga - Agriculture, Horticulture, Transport;

5. Pu KC Malsawmdawngliana - Environment & Forest, Fisheries, Inland Waterways;

6. Pu Laltlawmlova Chinzah - Education (M/S), SSA (M/S), Soil & Water Conservation;

7. Pu Lallawmsanga Apetow - PHE, Industries, Cooperation;

8. Pu JC Ngurluaia - Rural Development, Taxation, Sanitation;

9. Pu C.Lallungmuana - Land Revenue & Settlement, Sports & Youth Services, Disaster Management Relief & Rehabilitation.

Hemi bak Department la awm GAD & Control; Planning & Programme Implementation; Appointment, Transfer & Posting; PWD; Financial Affairs; Minor Irrigation; Centrally Sponsored Scheme leh a dang zawng chu Chief Executive Member Pu T.Zakunga hian a enkawl thung dawn a ni.