Vawiin hian LADC Conference Hall ah Lawngtlai Bawrhsap Pu J. Hmingthanmawia chuan, LADC 10 na a Executive Member tur mi 9 te chu rinawmna thu tiam tirin a lalut.

Mizoram sawrkar thuchhuak No. A.43016/1/2010 Dated 17th December, 2015 angin heng mi pakua te hi Mizoram Governor chuan Lai Autonomous District Council 10 na a Executive Member atan a ruat a, vawiinah Lawngtlai Bawrhsap hian Rule 22 of the LADC (CCB etc.,) Rules 2010 angin rinawmna thu tiam tirin a la lut ta a ni. Executive Member atana lakluh te chu, Pu C. Lalneihkhuma, Vathuampui bial, Pu Chhuanawma, Lawngtlai College Veng bial, Pu Lallawmsanga Apetow, Sekulh bial, Pu T. Zakunga, Vawmbuk bial, Pu ST Laldailova, Sangau South bial, Pu L. Lawmkima, Cheural bial, Pu KC Malsawmdawngliana, Tuithumhnar bial, Pu C. Sangchhunga, Lawngtlai Bazar bial leh Pu Laltlawmlova Chinzah, Diltlang South bial atanga thlan tlinte an ni.

Lakluh an nih zawh hian Chief Executive Member Pu VL Hmuaka chuan hetiang hian an Department chan turte a puang nghal bawk. Pu C. Lalneihkhuma, Education (P/S), SSA (P/S), AH & Vety, Parliamentary Affiars. Pu Chhuanawma, LAD, UD&PA, Sanitation, Law & Judicial. Pu Lallawmsanga Apetow, PHE, Industries, Cooperation. Pu T. Zakunga, Land & Revenue, Art & Culture, Sport & Youth Services. Pu ST Laldailova, Rural Development, Waterway, I&PR. Pu L. Lawmkima, Social Welfare, Minor Irrigation, Sericulture. Pu KC Malsawmdawngliana, Environment & Forest, Fisheries. Pu C. Sangchhunga, Agriculture, Horticulture, Transport. Pu Laltlawmlova Chinzah, Education (M/S), SSA (M/S), Soil & Water Conservation Department te an ni a. A bak Department la awm GAD, Planning & Programme Implementation, Appintment, Transfer & Posting, Financial Affairs, PWD, Taxation, Centrally Sponsored Scheme leh a dang zawng te chu Chief Executive Member Pu VL Hmuaka hian a enkawl thung dawn a ni.