Vawiin 18.12.15 atang hian Union Public Service Commission buatsaih India ram pum huap Civil Services (Main) Examination, 2015 chu neih tan a ni a. Aizawl ah pawh Govt Mizo Higher Secondary School ah neih a ni.

Aizawl Centre ah hian candidate 7 awmin mipa 5 leh hmeichhia 2 an ni a, Centre Supervisor Pu Lalthanzama, Principal, Govt Mizo Higher Secondary School kaihhruaina hnuaiah neih niin UPSC atangin Inspecting Officer Pu Vijaykumar a lo kal bawk. Civil Service (Main) Examination hi nikum 2014 atang khan Aizawl centre ah neih tan a ni a, kumin hi Aizawl ah exam neih tum hnihna a ni.