Pu R. Romawia, Art & Culture Minister chuan vawiin khan Selesih YMA Hall-ah ‘Zawlnei Chawngkhupa Hriat Reng Nan’ tih lehkhabu Dr. Zohmangaiha, IRS (Rtd.) ziah a tlangzarh. Tlangzarh inkhawm hi Pu K. Lal Nghinglova IAS, Chairman Zawlnei Chawngkhupa Memorial Society in a kaihruai a ni.

Pu R. Romawia chuan hetiang hun tha tak buatsaih a ni hi a lawmawm tiin Pu Chawngkhupa nun ah khan zir tur tam tak kan nei a ni, a ti. Pu Chawngkhupa chanchin sawiin Minister chuan Pawl bik inhungna a hre lo a, a mihring pui ah mai nilovin Pathian thilsiam ah ngil a neih zia thu a sawi a ni.

Vawiin hian Zawlnei Chawngkhupa Memorial Society hian Zawlnei Chawngkhupa Lungphun vawi thumna an nei nghal a ni. Pu Chawngkhupa hi 9th April, 1909 ah lo piangin 24th June, 1990 ah a thi a. Amah hriatrengna lungphun hi 18th December, 1992 khan Selesih-ah neih a ni a. A Lungphun hmasa ber hian duh thu a sam loh avangin siam that vek a ni a. 18th July, 2009 khan a Lungphun vawi hnihna neih a ni leh a, a vawi 3 na hi Pu Chawngkhupa tu leh faten bul tanin Art & Culture Department tanpuina sum hmangin a Lungdawh chu 4th August, 2015 khan zawh fel a ni leh a ni.