State Election Commission ruahmanna angin LADC General Election 2015 kalpui meka Nomination lute endik hna chu vawiin chawhma lam hian zawh fel a ni a, tlai lam dar 4 thleng hian inhnuk dawk duhte tan hun hawn a nih zui angin Independent a chuh tum 5 leh ZNP Party Ticket a chuh tum mi 1 te an inhnuk dawk.

Returning Officer Pu J. Hmingthanmawia, Lawngtlai District Bawrhsap ni bawk Office Chamber ah Nomination endik hna hi kalpui niin 6.11.2015 Zirtawpni atang khan tan a ni a. Zirtawpni khan MDC bial 11 a Nomination File te endik niin a tuk, ni 7.11.2015 Inrinni ah bial 11 dangte a Nomination lute endik leh niin vawiin chawhma lam khan bial 3 atanga lutte endik leh a ni a. Ti hian MDC bial 25 a he inthlannaa chuh tum mi 81 te Nomination File chu endik zawh a ni ta a ni.

Nomination endiknaah hian Nomination pakhat Lawngtlai III biala Independent Candidate a chuh tum dilna chu hnawl a ni a, ti hian dan ang taka chuh tum mi 80 te file na chu pawm sak an ni.

Chutihlaiin inhnuk dawk duhte tan vawiin tlai dar 4 thleng khan inhnuhdawhna hun hawn nghal a ni a. Heng mite hi an inhnukdawk leh a ni. B. Hmunchungnunga, Sangau East biala Independent Candidate, F. Rualirha leh N. Zohmunga Lungpher South biala Independent Candidate ve ve, T. Lalbiakmuana, Bualpui East biala Independent Candidate, T. Rualkima, Lawngtlai Vengpui biala Independent Candidate, leh B. Lalhuma, Lawngtlai III biala ZNP Candidate te an ni. Ti hian Candidate 74 ten bial 25 ah an inchuh dawn ta a a ni.

LADC MDC General Election 2015 inbuatsaihna hi tluang taka kalpui chhoh mek zel a ni a, inthlanna a duty tur Official te pawh appointment siam a ni tawh a, Expenditure Monitoring changtute tan vawiin hian training te pawh buatsaih a ni.