2329/2025-2026

Lawngtlai, 21st November 2025 : Lai Autonomous District Council (LADC) hnuaia 12th Member of District Council (MDC) inthlanpui 2025 - lo awm tur atan a inbuatsaihna kal zelah vawiin khan Presiding Officers leh First Polling Officers - ten training thawh khatna Government Region Higher Secondary School - ah an nei.

Vawiin training- ah hian Presiding Officers leh First Polling Officers -te mawhphurhna hrang hrang, tih tur leh tih loh tur, hriat tur pawimawh leh tul dangte inzirtirna hun hman a ni a. Pu Gilbert Lalhlimpuia, (Master Trainer) chuan Presiding Officers- te training pein,  Pu Thomas Maratha Hlychho (Master Trainer) chuan First Polling Officers -te training a pe bawk a ni.