2114/2025-2026

Lawngtlai, 7th November 2025: State Election Commission (SEC) in Lai Autonomous District Council (LADC)-  a Member of District Council ( MDC) inthlan hun tur a puan hnuah Pu Donny Lalruatsanga, District Election Officer ( DEO ) chuan chanchinbu mite kawmna a nei.

Pu Donny Lalruatsanga chuan LADC inthlanpui chu boruak nuam leh muanawm tak hnuaia neih a nih theih nan ruahmanna hrang hrang siam a nih tawh thu leh ruahmanna thar siam ngaite pawh bawhzui chhozel a nih thu a sawi a. Model Code of Conduct (MCC) puan nghal a nih angin, tha taka zawm tur leh thianghlim taka inelna nei turin  Party- tin te a chah a.

Lawngtlai District - mipuiten zalen leh ralmiang taka an aiawh an thlan theihna turin Election Official- ten theihtawp an chhuah reng thu a tarlang bawk.

LADC Inthlanpui neihturah hian  December ni  3, 2025 zing dar 7:00 AM atanga tlai lam dar 4:00 PM  inkarah mipui ten vote an thlak ang a, Vote thlak that ngai a awm a nih chuan a tuk December ni 4 ah Vote thlak that a ni ang. Inthlanpui neiha vote - tlate chu December  ni 9, 2025 - ah chhiar a ni ang a, December  ni 12,2025-  ah inthlanna pumpui hi zawhfel tura ruahman a ni.

Inthlanna chuh tumte tan November 14,2025 thleng hming pek luh theih a ni dawn a, hemi ni vek hian hming pekluhte chu endik a ni anga, inhnukdawk duhte tan November ni 17, 2025 thleng hun hawn a ni.