2113/2025-2026

Lunglei, 2025 Sahmulphah thla ni 7: Vawiin khan Lunglei District Level Core Committee for Sardar @150 Celebration chu Lunglei DC Conference Hall-ah Additional Deputy Commissioner Pi Zoramdini kaihhruaiin an ṭhu khawm.

Chairman Pi Zoramdini chuan member kalte lawmna thu sawiin, ṭhut khawm buatsaih chhan a sawi fiah a. Sardar @150 hi India ram inpumkhatna atana hma latu thawh hlawk tak, Sardar Vallabhbhai Patel pian champha kum 150-na puala Mera Yuva Bharat (MY Bharat) hnuaia India ram inpumkhatna atana beihpui thlakna tur a nih thu sawiin, hemi pual hian programme hrang hrang kalpui tura thu a sawi.

Sawrkar laipui aṭanga ruahmanna awm sa, November ni 25, 2025 aia tlai lovah "Inpumkhatna Kawng Zawh (Unity March)" buatsaih tura tih a nih angin, Lungleiah pawh November ni 18, 2025-ah Unity March hi buatsaih ni se, zing dar 6:30-ah Government High School Lunglei aṭangin Old Tennis Court thleng kawng zawh ni se, tih a ni a. Unity March-ah hian zirna in ṭhenkhatte bakah, Scouts & Guides, NCC, YMA, MHIP, MJA leh a thei apiangte tel tura sawm ni se, tih a ni. Unity March ṭanna hi Additional DC Pi Zoramdini'n kaihruai tura beisei niin, khuallian atan Lunglei Municipal Council (LMC) Chairman Pu Lalzuithanga beisei a ni a. Sub-Headquarters YMA Cultural Troupe te lam tura beisei an ni bawk.