2409/2025-2026

Lawngtlai, 27th November 2025: Lai Autonomous District Council (LADC) hnuaia 12th Member of District Council (MDC) inthlanpui 2025 - lo awm tur atan a inbuatsaihna kal zelah takin zing dar 9:30 AM khan EVM leh VVPAT hmanruate thliarfel hna (randomization) thawhhnihna chu DC Conference Hall, Lawngtlaiah neih a ni a. Pu Donny Lalruatsanga District Election Officer (DEO) leh Pu Abraham Beirazi Khithie (Observer) ten he hun hi an hmanpui.

Randomization thawhhnihna-ah hian EVM leh VVPAT hmanruate a kalna tur polling station duhthlan bik awm lovin State Election Commission (SEC) in ruahmanna a lo siam tawh angin khawl hmanga thliar fel a ni a, reserve- tur pawh thliarfel nghal a ni bawk.

Vawiin EVM leh VVPAT Randomization neihna hun hi Pu Donny Lalruatsanga (DEO) chuan kaihhruaiin Political Party aiawh leh Election Official-te an tel thei a. Political party aiawh te awm laiin EVM strong room- hawn nghal niin, Polling Station hrang hranga  kal tur EVM chu thliar fel nghal a ni a.