2408/2025-2026
Khawzawl, dated 27th November 2025: Khawzawl Bawrhsap Pu K. Vanlalthiana chuan Mizoram State Medical Council hnuaia doctor inziak lut lo chungchangah thuchhuah hetiang hian a siam:
MIPUITE HRIATTIRNA
Mizoram State Medical Council, Aizawl atanga hriattirna lehkha No.MSMC/Regn-2/2/2017/21 dated 8th October, 2025-a hmuh angin, Mizoram pawn lam atanga Doctor/Damdawi lama thiamna nei thenkhatte'n Mizoram State Medical Council-a inziak lut hmasa lovin Mizoram chhungah damlo an en thin tih hriat a ni a, hei hi dan phal loh a ni.
Mizoram Medical Council Act, 2010 leh National Medical Council Commission Act, 2019 Section 34 hnuaiah hrem theih an ni. He dan hian mi tu mah, khawi State-ah pawh an thiamna/damlo enkawina hmanruate anmahni chenna State Medical Council-a inziah luh hmasak loh chuan hman phal a ni lo.
Chuvangin, hetiang hian hriattirna chhuah a ni e:
1. Mizoram Medical Council-a inziah luh loh chuan Mizoram chhungah Doctor-in damlo a en thei lo.
2. Private Hospital, Nursing Home, Charitable Institution, NGO leh Non-Governmental Health Facility zawng zawngte'n State Medical Council-a inziak lut lo Doctor-te chhawr/hna pek theih a ni lo.
3. Mi tu pawhin Doctor a rawn dawn a nih chuan, Mizoram Medical Council-ah a inziak lut em tih a hre chiang phawt tur a ni.
4. Medical Camp emaw, damlote tana tha tura hmalakna buatsaih a nih in, Mizoram Medical Council chuan hun rei lo tea tan phalna a pe thin a. Mizoram Medical Council phalna la lova hma lak a nih hriat chuan hremna pek theih a ni.
