DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/ladc-protem-chairman-atan-pu-h-lalmuansanga-lak-luh-an-nip

LADC Protem Chairman atan Pu H. Lalmuansanga lak luh an ni

No.2567/2021-2022

Aizawl Khuangchawi thla ni 12, 2021: Vawiin chawhma dar 11:00 khan Lai Autonomous District Council (LADC)-a Chairman thar thlanna buatsaih tura Protem Chairman atana ruat, 24-Tuithumhnar MDC bial atanga thlan tlin Pu H. Lalmuansanga chu Lawngtlai Bawrhsap Dr Andrew H. Vanlaldika chuan rinawmna thu tiamtirin a la lut.

Protem Chairman lak luhna hun Lawngtlai DC office chamber-a buatsaih hi LADC-a Secretary Pu Lianchungnunga chuan a kaihruai a. Protem Chairman atana Pu H. Lalmuansanga ruatna sawrkar notification No. H. 14011/4/2017-DC&MA(L) Dt. 11th October, 2021 chu chhiar chhuakin, LADC (Constitution, Conduct of Business, etc.) Rules, 2010 rule 30 sub-rule (1) second proviso tlawh chhana Protem Chairman hi ruat a nih thu a sawi a. Hemi hnu hian Lawngtlai Bawrhsap chuan Protem Chairman hi a la lut nghal a ni.

Protem Chairman lak luhnaah hian LADC-a Executive Member leh MDC te an tel a ni.

Attachment