Vawiin chawhma khan Pu R. Lalzirliana District Council Affairs Minister chuan LADC Complex, Lawngtlai-ah Lai Autonomous District Council (LADC) Session Hall leh Lawngtlai District Library Building a hawng a. Minister hi Parliamentary Secretary pahnih, Pu H. Zothangliana leh Pu Lalrinmawia Ralte ten an tawiawm a ni.
Pu R. Lalzirliana chuan dar 10:30am khan Lawngtlai District Library Building hawngin hnathawhna reng rengah hna uluk leh zawh that a pawimawh a tih thu a sawi a. Library leh Archive te hi thangthar zel ten an lo la zir tur leh an lo en zel tur a nih bakah competitive exam hrang hrang beituten an hman tangkai fo tur a ni tiin chutiang atan chuan duhsakna a hlan a ni.
Lawngtlai District Library Building hawnna inkhawm hi Lawngtlai BDO T. Vanlalmalsawmsanga MCS in a kaihruai a. He Library hi BADP Scheme hnuaiah kum 2009-2010 chhunga sak a ni a. Cheng nuai 20 senga sak niin a dung 45 ft, a vang 28 ft a ni a. LADC in a enkawl dawn a ni.
Hemi hnu dar 11:00am ah Pu R. Lalzirliana District Council Affairs Minister hian Lai Autonomous District Council Session Hall hi ribbon chep chatin a hawng a, a chhung a fang nghal bawk.
Minister chuan thu sawiin building tha neih a hlut rualin mipui kaihruaitu tak tak zawk chu kan thu rel chhuahte hi a ni a ti. Minister chuan Mizo hnam naupang tak hi missionary te hmangin Pathianin min zawng chhuak a, tun hma kum 20 velah khan Mizoram awmna hre lo an tam a, tunah chuan India ram mai ni loin khawvel pumah Mizoten hriat kan hlawh mek a ni a ti a. Mizoram chhunga mite hian Pathian zahna nena hna kan thawh loh chuan mi tlemte avangin ram pum a buai thei a ni a ti bawk. Minister chuan Sorkar hmalakna hrang hrangte sawi langin kan thawhrimna te hi LALPA tel lo chuan a thlawn mai a ni a ti a. Kan ramah power leh leilung hausakna te kan haichhuah tak tak hunah chuan kan ram hausakna leh thing leh mau ringa kan chhehvela thilsiamna hmun tam takte hi kan luahlan thei dawn a ni a ti bawk. Politics ah te, zirna ah te, eizawnna leh hna hrang hrangah te hian rinawmna hi a pawimawh a, rinawmna hian lallukhum a keng tel a ni tiin kan rinawm chuan Pathianin a hunah min chawisang mai thin a ni a ti bawk. Minister chuan LADC Session Hall chu dikna kenkawhna hmun ni sela, rorelna dik humhalhna hmun niin Mizorama hnam zia rang mawi tak takte a nihna anga a lo parchhuahna hmun ni bawk se tiin duhsakna a hlan a ni.
LADC Session Hall hawnnaah hian Pu C. Ngunlianchunga Chief Executive Member, LADC chuan Mizoram Sorkar duhsakna changa LADC fund (Plan & Non-plan) a pung chu lawmawm a tih thu a sawi a. LADC chhunga hmasawnna hrang hrang te, Lawngtlai khaw chhunga hmasawnna hrang hrang thawh tur leh thawh mek te atana Sorkarin Additional Fund a pek avangin lawmthu a sawi bawk. CEM chuan Session Hall hi a rang thei angbera luah a nih theihna tura a hmalakna te sawiin Session Hall ah hian rorelna dikin hmun chang se, midang lo luah zelturte pawhin mi rethei leh chanhaite tana chanvo an siamna hmun ni zel se a duh tih a sawi a ni.
Pu H. Zothangliana, Parliamentary Secretary leh bialtu MLA ni bawk chuan Mizoram Sorkar hmalakna avanga Minor Irrigation SDO Lawngtlaia dah a nih tur thu te, UD&PA hnuaia Social Infrastructure Lawngtlai tan Rs. 778,88,000 tihfel a nih thu te, Greater Lawngtlai Water Supply Scheme thawh tan thuai a nih dawn thu te a sawi a. Mitinin an chanpual tur diktak an chan theih hun - khawvar hun a lo her chhuah theihnan rorelna dik a pawimawh tih sawiin LADC Session Hall atang hian rorelna dik chu luipui angin luang chhuak se a duh tih a sawi a. Mipuiin roreltu tha an duh a, chutiang bawk chuan roreltute pawhin mipui tha an duh a ni tiin that inlawm tawn chuan rah tha a chhuah dawn a ni a ti bawk.
LADC Session Hall hi 12 Dec, 1997 atanga sak tan niin kum 14 chhungin sak zawh a ni a, 10000 sq. ft (929 Sq. m) a zau a ni a, chhawng 3 a sang a ni. Site preparation-ah Rs. 28,25,000/- hman ral niin a building sak nan hian Rs. 212,63,000/- hman a ni bawk.
Session Hall hawnna programme hi Pu F. Manghnuna, Chairman LADC in a kaihruai a, Rev. C. Hrangzuala, General Secretary, Lairam Isua Krista Baptist Kohhran, Lawngtlai in hunserh a hmang. Er. V. Boiliana, EE (PWD), LADC chuan Technical Report a pe a, Nl. Lalrochhingpuii, LDC, LADC leh CYLA Choir ten zaiin mipui an awi a. Pu C. Zoramthanga, Executive Secretary, LADC chuan Vote of Thanks a sawi bawk a ni.
Lawngtlai District Library Building hawnna inkhawm hi Lawngtlai BDO T. Vanlalmalsawmsanga MCS in a kaihruai a. He Library hi BADP Scheme hnuaiah kum 2009-2010 chhunga sak a ni a. Cheng nuai 20 senga sak niin a dung 45 ft, a vang 28 ft a ni a. LADC in a enkawl dawn a ni.
Hemi hnu dar 11:00am ah Pu R. Lalzirliana District Council Affairs Minister hian Lai Autonomous District Council Session Hall hi ribbon chep chatin a hawng a, a chhung a fang nghal bawk.
Minister chuan thu sawiin building tha neih a hlut rualin mipui kaihruaitu tak tak zawk chu kan thu rel chhuahte hi a ni a ti. Minister chuan Mizo hnam naupang tak hi missionary te hmangin Pathianin min zawng chhuak a, tun hma kum 20 velah khan Mizoram awmna hre lo an tam a, tunah chuan India ram mai ni loin khawvel pumah Mizoten hriat kan hlawh mek a ni a ti a. Mizoram chhunga mite hian Pathian zahna nena hna kan thawh loh chuan mi tlemte avangin ram pum a buai thei a ni a ti bawk. Minister chuan Sorkar hmalakna hrang hrangte sawi langin kan thawhrimna te hi LALPA tel lo chuan a thlawn mai a ni a ti a. Kan ramah power leh leilung hausakna te kan haichhuah tak tak hunah chuan kan ram hausakna leh thing leh mau ringa kan chhehvela thilsiamna hmun tam takte hi kan luahlan thei dawn a ni a ti bawk. Politics ah te, zirna ah te, eizawnna leh hna hrang hrangah te hian rinawmna hi a pawimawh a, rinawmna hian lallukhum a keng tel a ni tiin kan rinawm chuan Pathianin a hunah min chawisang mai thin a ni a ti bawk. Minister chuan LADC Session Hall chu dikna kenkawhna hmun ni sela, rorelna dik humhalhna hmun niin Mizorama hnam zia rang mawi tak takte a nihna anga a lo parchhuahna hmun ni bawk se tiin duhsakna a hlan a ni.
LADC Session Hall hawnnaah hian Pu C. Ngunlianchunga Chief Executive Member, LADC chuan Mizoram Sorkar duhsakna changa LADC fund (Plan & Non-plan) a pung chu lawmawm a tih thu a sawi a. LADC chhunga hmasawnna hrang hrang te, Lawngtlai khaw chhunga hmasawnna hrang hrang thawh tur leh thawh mek te atana Sorkarin Additional Fund a pek avangin lawmthu a sawi bawk. CEM chuan Session Hall hi a rang thei angbera luah a nih theihna tura a hmalakna te sawiin Session Hall ah hian rorelna dikin hmun chang se, midang lo luah zelturte pawhin mi rethei leh chanhaite tana chanvo an siamna hmun ni zel se a duh tih a sawi a ni.
Pu H. Zothangliana, Parliamentary Secretary leh bialtu MLA ni bawk chuan Mizoram Sorkar hmalakna avanga Minor Irrigation SDO Lawngtlaia dah a nih tur thu te, UD&PA hnuaia Social Infrastructure Lawngtlai tan Rs. 778,88,000 tihfel a nih thu te, Greater Lawngtlai Water Supply Scheme thawh tan thuai a nih dawn thu te a sawi a. Mitinin an chanpual tur diktak an chan theih hun - khawvar hun a lo her chhuah theihnan rorelna dik a pawimawh tih sawiin LADC Session Hall atang hian rorelna dik chu luipui angin luang chhuak se a duh tih a sawi a. Mipuiin roreltu tha an duh a, chutiang bawk chuan roreltute pawhin mipui tha an duh a ni tiin that inlawm tawn chuan rah tha a chhuah dawn a ni a ti bawk.
LADC Session Hall hi 12 Dec, 1997 atanga sak tan niin kum 14 chhungin sak zawh a ni a, 10000 sq. ft (929 Sq. m) a zau a ni a, chhawng 3 a sang a ni. Site preparation-ah Rs. 28,25,000/- hman ral niin a building sak nan hian Rs. 212,63,000/- hman a ni bawk.
Session Hall hawnna programme hi Pu F. Manghnuna, Chairman LADC in a kaihruai a, Rev. C. Hrangzuala, General Secretary, Lairam Isua Krista Baptist Kohhran, Lawngtlai in hunserh a hmang. Er. V. Boiliana, EE (PWD), LADC chuan Technical Report a pe a, Nl. Lalrochhingpuii, LDC, LADC leh CYLA Choir ten zaiin mipui an awi a. Pu C. Zoramthanga, Executive Secretary, LADC chuan Vote of Thanks a sawi bawk a ni.
Attachment
- Loading attachment...
