Lai Autonomous District Council (LADC) hnuaia Village Council pathum By- Election inthlanna chu June Ni 26, 2018 khan tluang taka neih zawh a ni a. Khaw pathum Village Council pathumah seat 6(paruk) hnawhkhahna turin inthlanna hi buatsaih a ni. 34 - Damlui Village Council chu dissolved a nih avangin seat 4 (Pali) atan inthlanna neih a ni. Village Council pahnih: 11 - Ngengpuikai leh 13 - Thingkah te chu seat pakhat ve ve atan inthlanna neih tir niin, heng khaw pahnihah hian VC member-te thihna avanga an hmun ruak hnawhkhat turin inthlanna buatsaih a ni. By-Election neihna khaw pathumah hian a pumpuiin voters 1708 an awm a, voters 1423 in vote an thlaka. A pumpuia vote tla percentage chu 83.31% a ni.

Vote tlak that berna khua hi 89.79% tlakna Damlui khua a ni a, Voter 382 awmah 343 in vote an thlak a ni. Vote tlak chhiatna ber chu Ngengpuikai khua a ni a, he khuaah hian Voter 457 awmah 362 in vote an thlak a,79.21% in vote an thlak a ni. Candidate-te vote hmuh dan chu a hnuaia tarlan ang hi a ni: 

 He inthlannaah hian INC, MNF, MPC leh IND te'n an chuh a, Party-wise result chu hetiang hi a ni: 

 Village Council Member thlan chhuah tharte chu:

 Vote tla hi State Election Commission (SEC) ruahmanna siam angin vote thlak zawh veleh chhiar tan nghal a ni a, inbiakpawhna leh inkalpawhna lamah khuarel harsatna a awm avangin result hi hriat hma theih a ni lo a, SEC chuan he harsatna avang hian pawi a ti hle a ni. He inthlanna-ah hian khuarel harsatna tihloh chu harsatna dang lian tham thleng engmah a awm lova, vote thlak chungchang bakah dan leh thupek kenkawh kawngah District Election official-te, Returning Officer, Polling Officials, District Police leh Political party-te inpekna leh thahnemngaihna avangin a felfaiin a muanawm hle a ni. Hemi avang hian State Election Commission chuan he inthlanna tluang taka neih a nih theihna atana mawhphurtu leh tha thawhtu zawng zawngte chungah lawmthu a sawi a ni.