Vawiin chawhma dar 11 khan State Election Commissioner Pu C.Ropianga office chamber ah ama hovin LADC leh CADC Local Administration Officer leh Liaison Officer te leh Lawngtlai Deputy Commissioner aiawh te nen meeting neih a ni a, LADC huam chhunga Lungpher Village Council (Seat 7) inthlanna leh CADC huam chhunga Nalbonya Village Council (Seat 5) leh Jamersury Village Council (Seat 5) te inthlanna bakah LADC huam chhunga Siachangkawn leh Saizawh East khuaa Village Council Memberpakhat ve ve boral ta te seat ruak hnawh khah nana inthlanna neih dan tur chungchang te an sawi ho va. The Lai Autonomous District Council (Election to Village Councils) Rules, 2011 leh The Chakma Autonomous District Council Rules of Village Council Election, 2007 te uluk taka enin a hma thei ang bera a ruala inthlanna buatsaih an rel a, October thla chhung hian inthlanna buatsaih ni se tiin Schedule te pawh District Council hotute leh Deputy Commissioner te nen lo duang a, State Election Commission pawmpui tura thehlut tura tih an ni. Summary Revision of Electoral Roll chu ni 21/9/2012 aia tlai lova neih ni setiin an rel bawk.

Hetih lai hian Sinlung Hills Development Council (SHDC) huam chhunga Village Council 15 te inthlanna pawh a hma lama buatsaih tulin hriat a ni a. Chumi atan chuan September thla chhunga a theih ang anga kawng te pawh lo siamthaa inthlanna tur atana an sum mamawh tur zat te lo chhut chhuak turin State Election Commission chuan Deputy Commissioner, Aizawl leh Deputy Commissioner Kolasib te a hriattir tawh bawk a ni.