May ni 11, 2013 zing khawvar hma a Laipuitlang, Aizawla leimin rapthlak tak thlengah mi engemaw zat in nunna an chan bakah hliam tuar engemaw zat awmin, mi engemaw zat chin hriat lohin an la bo mek a ni tih ka hriat hian min nghawng na takzet in min tilungngai tak zet a, chhiat tawk chhungkua zawng zawngte ka thinlung takzetin ka tawrhpui ani tih ka sawi duh a, an hun tawng rapthlak tak hi a natzia ka hriatthiampui rualin eng tawngka mah hian a hnem zo dawn lo tih ka hria. Thlamuanna zawng zawng nei tu Pathianin awmpuiin chakna leh huaisenna tinrengin thuam se, he an tawrhna zawng zawng lak ata hi hualhim se tih hi ka tawngtaina a ni a, hliam tuarte pawh an damchhuah thuai theih nan ka tawngtai a ni.

Chhanchhuahna hna rang taka thawktu pawl hrang hrang - YMA te, Sawrkar Agency hrang hrangte leh khawtlang mi tlawmngai zawng zawngte chungah an inpekna leh thahnemngaihna avangin lawmthu ka sawi nghal bawk e.