Tukin zing dar 3 vela ruah nasa tak sur leh thli na tak tlehin Laipuitlanga leimin rapthlak tak thlenna hmun chu Chief Minister Pu Lal Thanhawla chuan a hriat veleh tukin vek khan a hmunah a tlawh nghal a. Chief Minister chuan chhiatna rapthlak tak  thleng chu pawi a tih tak zet thu sawiin, nunna hlu tak leh chenna in chan ta chhungte a tawrhpui hle tih a sawi a. Tanpuina leh chhawmdawlna awm thei ang ang pawh sorkarin a ngaihtuah nghal tur thu a sawi. Chief Minister hian vawiin vek khan he chhiatna thleng hi central sorkar hotute lehkha a hrilh nghal bawkin thlalak engemawzah thawn tel bawk a ni.

Thli leh ruahpui sur hian Chief Minister bial Thenzawlah in 20 chuang a tih chhiat bawk avangin  vawiin vek khan a hmun Pu Lal Thanhawla chuan a tlawh nghal bawk a. Tlawmngaia hnatlangte thingpui lumna tur sum a pe bawk a ni.