Mizoram Flagship Programme NLUP 1st Phase a 5th Instalment leh 2nd Phase a 2nd Instalment, Soil & Water Conservation Department, Mamit hnuaia Rubber leh Hmunphiah (Broom) thlangtu chhungkaw 42 te hnenah Pu John Rotluangliana Dy Speaker in vawiin  khan Lengpui Community Hall-ah tanpuina sum a sem.

NLUP tanpuina dawngtu khuate chu Hmunpui, Nghalchawm, Tuahzawl, W Serzawl, Lengpui leh Lengte niin 2nd Phase a Rubber huan siamna atan chhungkaw 12 te hnenah Rs 6900/- pek an ni a. 1 st Phase a 5th Instlament atan chhungkaw 15 te hnenah Rs 1500/- theuh pek niin 2nd phase a Hmunphiah ( Broom) huan siamna tur hmanraw leina atan, terrace siamna leh terrace inkar changkham atan chhungkaw 15 te hnenah Rs 19600/- theuh pek an ni bawk.

Sum sem zawng zawng hi a vaiin Rs 3,99,300/- a ni.