Mother Teresa’s International & Millennium Awards Committee (All India Minority & Weaker Sections Council, Registered Body hnuaia awm) chuan Chief Minister Pu Lal Thanhawla chu politician hlun leh sorkar mawhphurhna kengkawhtu (renowned politician & administrator) tiin, ‘Mother Teresa Lifetime Achievement Award – 2009’ dawng turin an rawn thlang.
He Chawimawina ropui tak hi kawng hrang hrang, social works, education, sports, music, politics, medicines etc.a mithiam bik leh hming tha te hnenah kumtin mithiam rual member 7 awmna Committee in a thlang thin a. Kumin 2009 atana International leh Lifetime Achievement Awards dawng tur mi 35 nikum December thla khan an lo thlang fel tawh nghe nghe a ni. Mother Teresa Awards hi mi hmingthang tak tak 100 chuang hnenah hlan a lo ni tawh bawk.
Chief Minister Pu Lal Thanhawla hnenah hian, he awards dawngtu tur midangte rualin ni 29 March 2009, dar 11: 00 A.M. – 1:30 P.M. ah, Eastern Zonal Cultural Centre Auditorium (EZCC), Salt Lake, Kolkata ah hlan a ni anga. Award Ceremony inkhawm hawnna chu Lok Sabha Speaker, Somnath Chatterjeea’n nei anga, programme puitham tak tak bakah, Khuallian Shyamlal Sen, West Bengal Governor hlui, West Bengal Human Rights Committee Chairman ni bawk in thusawina hun a hmang bawk ang. Governor of Punjab & Tamil Nadu te bakah Dr. Farook Abdullah, Dr. R. Velu, Minister of State for Railways te pawh chanvo neih tir an ni bawk ang.
Awards hlanna ni hma chiah ni 28 March 2009 hian tlai dar 5 p.m. – 9 p.m. ah Chawimawina dawngtute pualin Charitable Cultural Programme buatsaih a ni ang a. Punjab Governor, Gen ( Rtd) S.F. Rodrigues in hawnna a nei anga, Khuallian atan Tamil Nadu Governor Surjit Singh Barnala a ni ang. Pu Lal Thanhawla, Mizoram Chief Minister, J & K Chief Minister hlui Dr. Farook Abdullah leh Dr. R.Velu, Railway Minister of State ten thusawina hun an hmang bawk ang.
He Chawimawina ropui tak hi Pu Lal Thanhawla chuan dawn ngei a tum thu a sawi chiang tawh bawk a ni.
Chief Minister Pu Lal Thanhawla hnenah hian, he awards dawngtu tur midangte rualin ni 29 March 2009, dar 11: 00 A.M. – 1:30 P.M. ah, Eastern Zonal Cultural Centre Auditorium (EZCC), Salt Lake, Kolkata ah hlan a ni anga. Award Ceremony inkhawm hawnna chu Lok Sabha Speaker, Somnath Chatterjeea’n nei anga, programme puitham tak tak bakah, Khuallian Shyamlal Sen, West Bengal Governor hlui, West Bengal Human Rights Committee Chairman ni bawk in thusawina hun a hmang bawk ang. Governor of Punjab & Tamil Nadu te bakah Dr. Farook Abdullah, Dr. R. Velu, Minister of State for Railways te pawh chanvo neih tir an ni bawk ang.
Awards hlanna ni hma chiah ni 28 March 2009 hian tlai dar 5 p.m. – 9 p.m. ah Chawimawina dawngtute pualin Charitable Cultural Programme buatsaih a ni ang a. Punjab Governor, Gen ( Rtd) S.F. Rodrigues in hawnna a nei anga, Khuallian atan Tamil Nadu Governor Surjit Singh Barnala a ni ang. Pu Lal Thanhawla, Mizoram Chief Minister, J & K Chief Minister hlui Dr. Farook Abdullah leh Dr. R.Velu, Railway Minister of State ten thusawina hun an hmang bawk ang.
He Chawimawina ropui tak hi Pu Lal Thanhawla chuan dawn ngei a tum thu a sawi chiang tawh bawk a ni.
