India President 14-na ni tura hneh taka thlan tlin, Pranab Mukherjee chu Chief Minister Pu Lal Thanhawla chuan lawmpuina a thawn.

Lawmpuina a thawnah, Pu Lal Thanhawla chuan Pranab Mukherjee chu kum 1969 a National politics a luh atanga ram tana hmathlir nei tha, Cabinet Minister tum engemawzah lo ni tawh leh External Affairs leh Finance Ministry a enkawl chhunga ram tana thil chhenfakawm tam tak alo kalpui tawh thu te a tarlang a ni.

Chief Minister chuan Pranab Mukherjee chu India President chhuanawm ber te zinga mi a nih ngei a beisei thu tarlangin, a hun chhunga ramin malsawmna tam tak a dawn ngei theih nan a duhsakna sang ber a hlan a ni.