Chief Minister Pu Lal Thanhawla chuan vawiin khan Serchhip Sports Complex khelmualah Lalsawmliani & Lalthanchunga Memorial Football Running Trophy vawi 9 na final inkhel a hmanpui.
Chief Minister chuan kan thalai infiammite hi India Sports Map mai nilo khawvel Sports Map-a langpha tur khawpin sorkar chuan chherchhuah a tum a ni a ti a. Thalaite tana tha zawk tur leh hamthatna tam zawk Central Sorkar Labour Ministry ah haichhuah tur tam zawk a awm avangin Youth Commission hi Sports Department hnuaia awm lovin Labour Department a sawn dan tur ngaihtuah mek a ni a ti.
Pu Hawla chuan sorkar-a thil dil nachang hria leh diltu nih hi bengvarna leh finna a ni lova, kutdawh rilru min put tirtu anih avang zawkin a changkang lo hle a ni a ti a. Chuvangin kan theih leh kan phak tawk zelah mahni ngeiin neitu rilru pu chungin ngaihtuahna sen a ngaih thu a sawi. Hmasawnna reng reng tluang taka a kal theih nan kut tlinglova sum siam tum te venga neitu rilru pu chunga hmasawnna hna a hlawhtlin ngei theih nan kan tha leh ngaihtuahna zawng zawng a changkang zawngin kan seng tur a ni a ti.
Chief Minister tawiawmtu Sports Minister Pu Zodintluanga chuan naupangten infiamna hun leh hmun an nei thin lova, chuvangin sorkar chuan an dinhmun hriain hun leh hmun tam zawk an neih theih nan ‘Catch Them Young’ Policy kalpui a nih thu a sawi a. Serchhipah he stadium complex-a khelmual hi changtlung zawka siam a nih theih nan cheng vaibelchhe 15 senso tur ruahman fel tawh a nih thu a sawi bawk a ni.
Lalsawmliani leh Lalthanchunga Memorial Football Running Trophy hi kum 2001 khan tan a ni a, Pu Lal Thanhawla te chhungkua in a an bultum (Donate) a ni. Tun tuma tournament-ah hian senior team 8 inkhel a awm bakah hmeichhia leh kum bithliahte tan tournament hi buatsaih a ni bawk a. Vawiina final inkhelte hi New Serchhip Football Club leh Chhim Veng Sporting Club te in tum in Tie break ah Chhim Veng Sporting Club-in 3 - 1 New Serchhip Football Club an hneh a ni. Lawmman hi Chief Minister nupui Pi Lal Rilianin a sem.
Final khelhna khelmual hi Chief Minister Pu Lal Thanhawlan ama puala a siam a ni a. Amah tawiawmtu dang Pu Lalrinliana Sailo, Health Minister pawhin thusawina hun a hmang bawk.
Pu Hawla chuan sorkar-a thil dil nachang hria leh diltu nih hi bengvarna leh finna a ni lova, kutdawh rilru min put tirtu anih avang zawkin a changkang lo hle a ni a ti a. Chuvangin kan theih leh kan phak tawk zelah mahni ngeiin neitu rilru pu chungin ngaihtuahna sen a ngaih thu a sawi. Hmasawnna reng reng tluang taka a kal theih nan kut tlinglova sum siam tum te venga neitu rilru pu chunga hmasawnna hna a hlawhtlin ngei theih nan kan tha leh ngaihtuahna zawng zawng a changkang zawngin kan seng tur a ni a ti.
Chief Minister tawiawmtu Sports Minister Pu Zodintluanga chuan naupangten infiamna hun leh hmun an nei thin lova, chuvangin sorkar chuan an dinhmun hriain hun leh hmun tam zawk an neih theih nan ‘Catch Them Young’ Policy kalpui a nih thu a sawi a. Serchhipah he stadium complex-a khelmual hi changtlung zawka siam a nih theih nan cheng vaibelchhe 15 senso tur ruahman fel tawh a nih thu a sawi bawk a ni.
Lalsawmliani leh Lalthanchunga Memorial Football Running Trophy hi kum 2001 khan tan a ni a, Pu Lal Thanhawla te chhungkua in a an bultum (Donate) a ni. Tun tuma tournament-ah hian senior team 8 inkhel a awm bakah hmeichhia leh kum bithliahte tan tournament hi buatsaih a ni bawk a. Vawiina final inkhelte hi New Serchhip Football Club leh Chhim Veng Sporting Club te in tum in Tie break ah Chhim Veng Sporting Club-in 3 - 1 New Serchhip Football Club an hneh a ni. Lawmman hi Chief Minister nupui Pi Lal Rilianin a sem.
Final khelhna khelmual hi Chief Minister Pu Lal Thanhawlan ama puala a siam a ni a. Amah tawiawmtu dang Pu Lalrinliana Sailo, Health Minister pawhin thusawina hun a hmang bawk.
