Land Revenue & Settlement Directorate chuan vawiin khan an mahni office Technical Hall-ah staff meeting an nei a. An department changtu Minister Pu J.H. Rothuama’n meeting hi a hmanpui a ni.

Minister chuan he department hi India ram state dangte kalphung anga kal tir tum a nih dan te, staff indaih lo leh hna hautak zet hmachhawn tura tih chak zel tum a nih dan te sawiin tunah chuan Commissioner thar neiin district office pawh ASO II aia sang nen tih phuisui tum mek a ni a ti a. Land Reforms lamah tanlak anih dan tarlangin chhungkaw tin ram neih zat chhinchhiah fel a land records fel fai tak vawn a ni ang a ti a, Kohhran leh pawl ho te pawhin chhiah an chawi ve dan tur ngaihtuah a ni a ti bawk. Ram tehtute chu rinawm tura chahin ram buai thu hla ah pawh fel fai taka duhsak bik nei lova thil an tih a tul a ni a ti.

Tuikhuah leh Oil & Natural Gas zawn kawngah mimal ram engemaw chen lak a tul thulhah hian records mumal vawn a pawimawh a, compensation thleng a nghawng avangin fimkhur a tul a ni a ti. Minister chuan NLUP kalpui anih dawn avangin mimal hnenah ram engemaw zat pek a tul dawn a, hetah pawh hi surveyor te chu fimkhur tura hrilhin ram ruak an hmuhchhuahte pawh an duhsak zawngte kawhhmuh mai lova department ah report a Land Bank tha tak siam anih tur thu a tarlang.

Staff meeting an Director Pu R. Lalhmangaihan a kaihruai a. Commissioner Pu R.L. Rinawma IRS pawhin fuihna thu a sawi a. Department kalphunga rawtna leh tanlakna tur hrang hrangte sawiho zui a ni.