Vawiin khan Tourism Minister Office, MINECO-ah Organising Committee, Winter Festival 2019 chu Tourism Minister Pu Robert Romawia Royte kaihruaina hnuaiah an thukhawm a. He hunah hian kumina Winter Festival hman dan tur lo ruahman lawk te an ennawn leh a ni.

Ruahmanna ang chuan Winter Festival hi December 18, chawhma dar 11 atangin Sipai Lammualah neih a ni leh dawn a. He hun hmang tur hian Organising Committee chuan mipuite a sawm nghal a ni. Winter Festival hawnna programme-ah hian Deputy Chief Minister Pu Tawnluia chu khuallian a ni dawn a. Tourism Minister Pu Robert Romawia Royte chu khualzahzawm a ni thung ang. Hawnna programme hi Pu Lalnunmawia Chuaungo, Chief Secretary in a kaihruai dawn a. Winter Festival hmanna hmunah hian intihhlimna chi hrang hrang te a awm dawn a, ennawm hmuh tur te, zai ngaihthlak tur te, ei leh in lamna hmun te bakah dawr te pawh hawn a ni dawn a ni.

Attachment

  • Loading attachment...