Vawiin khan Pu C.Lalzova, Kulikawn lehkhabu ziah 'Mizo tawng that bikna' tih chu Press Club-ah C.Lalramzauva, Adviser to Chief Minister chuan a tlangzarh.

Pu Ramzauva chuan, English aia Mizo tawng chungnunna te zahawm taka lehkhabuah hmuh tur a awm thei chu lawmawm a tih thu a sawi a, upa kum 82 mi in Mizo hnam tana rohlu tling lehkhabu a rawn chhawpchhuak chu a vanneih thlak a ti a. A kum enin Mizote hmalam pana min hnuk kaltu atana phut tur taksa chakna nei tawh lo mahse, a lehkhabu avang hian Mizo te hi thui tak kal turin min pawt kal tawh a ni, a ti.

thalai hun tha zawk la nei te pawhin Pu Lalzova chu entawn nachang hria se a duh thu a sawiin, Mizo tawng tih hmasawnna a ni chhoh zel chu hnam tan zahawmna a ni a, University lamah pawh Mizo-tawng zirna a lo awm zel thei te hi hmasawnna duhawm tak a ni, a ti bawk.

Pu Ramzauva chuan, Kum khatah khawvelah nitin lehkhabu 2067 a chhuak anga ngaih a ni a. Chutiang khawvelah 'Mizo tawng that bikna' lehkhabu hi lehkhabu tangkai leh hlu ber pawk zinga mi a nih a rin thu a sawi a. Hun rei lo te ah College leh University lamah pawh Mizo subject zirlaite tana zirtham, an zirna puitu lehkhabu a nih a beisei thusawiin, tawng leh hnam a ral lohna turin lehkhabua uluk taka dah?hat zel a ?ul a, chumi kawmgah Mizoram Publication Board-in a lo chhuahsak thei chu lawmawm a tihthu sawiin, ziaktute tana lehkhabu nasa zawka chhuah a nih theihna turin Mizoram Publication Board chu hmala zelin a fuih bawk.

Lehkhabu tlangzarah inkhawm hi Pu Laltluangliana Khiangte in a kaihruai a, Upa Zorammawia'n lehkhabu thlirlawkna neiin lehkhabu ziaktu Pu Lalzova'n thu a sawi bawk a. Lehkhabu hi cheng niin, phek a awm a, Aizawl lehkhabu dawr hrang hrangah lei theihin dah a ni.