Mizoram Sawrkar Information and Public Relations Department buatsaiha Departmental Press Tour a zin mi 12 te chuan Andaman huand Nicobar Islands hmun hrang hrang te an chamchilh mek a. Nimin khan Information Publicity and Tourism Department Conference Hall ah Department hotute leh Press mite nen inkawmhona hun tha an hmang a ni.

Nimin vek khan Port Blair a hmun pawimawh hrang hrang te an tlawh kual a, chung zinga chuan Ross Island, tunhmaa British awplaia an sulhnu hrang hrang Sawrkar Laipuiin a humhalh mek te an tlawh a. British hunlai veka tan in rapthlak, politics thil leh zalenna sualtu tam tak ten tihduhdah leh khaihlum hial an lo tawh na hmun Cellular Jail te an tlawh bawk a. Heng hmun te hian zalenna sualtute ropui zia leh zalenna tana an inpek nasat zia a tichiang hle in na hria a ni.

Departmental Press Tour a kalte hi December ni 10 khan Port Blair Andaman Sawrkar hotuten Airport ah lo hmuakin heng hmun hrang hrang an tlawhnaah te hian an hruai kual zel a ni.