Vawiin khan LAD Minister, Pu PC. Lalthanlianan Land Revenue Management and Monitoring Information System Software ‘LAREMIS’ an tih Land Revenue Department buatsaih chu I&PR Auditorium ah a hawng.
Hawnna inkhawm hi Land Revenue & Settlement Director Pu R.Lalhmangaihan a kaihruai a, khuallian Pu PC.Lalthanliana chuan Land Revenue & Settlement Department in Mizo mipuite harsatna lian tak chhiah pek leh In leh huan ram buai kan neih thin sukiang tura tunlai khawvel thiamna mila a chinfelna kawng a dap thiam hi hmasawnna rahbi thar a ni a ti a.
Pu Lalthanliana hian Mizo mipuite hian chhiahpek hrim hrim hi kan hreh a ni lova, amaherawh chu chhiah pe turin tha leh sum tam tak sen a ngai thin a. He system thar hian awlsam zawka chhiah petuten chhiah an pek theihna tur te a ken tel avangin Sorkar leh mipui tan a hlu hle dawn a ni tiin Computer Button hmetin hman theih turin a hawng ta a ni.
Land Revenue & Settlement Commissioner and Secretary Pu R.L.Rinawma pawhin he System thar buatsaih a nih dan leh Department tana hnthawh felfai leh awlsam taka thawh a nih theih dan tur chipchiar takin a hrilhfiah a. Hei hian kan harsatna tam ber leh Revenue Department in mipui anchhia kan khumna zawng zawng a chingfel dawn a. Chumai bakah Officer leh Staff te indaihloh avang a chhiah tam tak kan lak hmanloh thin te awlsam takin a pui thei dawn a; sorkar a chhiah chhunluh pawh a pung hle dawn a ni a ti.
He System thar hawnna inkhawmah hian Pu Lalduhawma MLA bakah Officer leh Staff an kal tha hle a.Pu Vanlalnghaka Chhawnchhek, CEO, Mizosoft Solutions in Technical Report a pe a, hna bul tanna a nih avangin Data buai tam tak chinfel tur a awm dawn a, a hmangtute pawh taihmak leh thawhrim a ngai hle dawn a ni a ti. Pu Lianzinga, Deputy Director of Survey (A) in kalkhawmte hnenah lawmthu sawiin an tin a ni.
Pu Lalthanliana hian Mizo mipuite hian chhiahpek hrim hrim hi kan hreh a ni lova, amaherawh chu chhiah pe turin tha leh sum tam tak sen a ngai thin a. He system thar hian awlsam zawka chhiah petuten chhiah an pek theihna tur te a ken tel avangin Sorkar leh mipui tan a hlu hle dawn a ni tiin Computer Button hmetin hman theih turin a hawng ta a ni.
Land Revenue & Settlement Commissioner and Secretary Pu R.L.Rinawma pawhin he System thar buatsaih a nih dan leh Department tana hnthawh felfai leh awlsam taka thawh a nih theih dan tur chipchiar takin a hrilhfiah a. Hei hian kan harsatna tam ber leh Revenue Department in mipui anchhia kan khumna zawng zawng a chingfel dawn a. Chumai bakah Officer leh Staff te indaihloh avang a chhiah tam tak kan lak hmanloh thin te awlsam takin a pui thei dawn a; sorkar a chhiah chhunluh pawh a pung hle dawn a ni a ti.
He System thar hawnna inkhawmah hian Pu Lalduhawma MLA bakah Officer leh Staff an kal tha hle a.Pu Vanlalnghaka Chhawnchhek, CEO, Mizosoft Solutions in Technical Report a pe a, hna bul tanna a nih avangin Data buai tam tak chinfel tur a awm dawn a, a hmangtute pawh taihmak leh thawhrim a ngai hle dawn a ni a ti. Pu Lianzinga, Deputy Director of Survey (A) in kalkhawmte hnenah lawmthu sawiin an tin a ni.
