Vawiin khan Indira Gandhi National Open University (IGNOU), Aizawl Regional Centre chuan a hnuaia Degree, Diploma leh Certificate zirlai hlawhtling mi 127 te tan CYMA Hall, Tuikhuahtlang-ah 21st Convocation a buatsaih a, he hunah hian Mizoram State Planning Board Vice-Chairman Pu Lalkhama, IAS (Rtd) chu Khuallian a ni.
Khuallian chuan khawvela University lian ber IGNOU hnuaia Mizoram tan bika Regional Centre-in 21st Convocation a hmang thei chu a lawmpui thu a sawi a, zirlai hlawhtling zawng zawngte duhsakna a hlan a ni. India sorkar-in kum 1944 atang khan zirlai titha zualte tan Matric Scholarship pe tan chu tribal students te tan 1948 atang khan pek chhuah a ni ve tan chuan nasa takin Mizo thalaite tan pawh zirna sang zawk um theihna kawng a rawn siam sak ta a ni, a ti. Mizoramah chuan kum 2000 atang chauh khan IGNOU Centre hawn nimahse vawiinah chuan Mizoram hmun hrang hrang Study Centre hawn ni tawhin Aizawl Regional Centre phei chu kum 2006, 2007 leh 2009 khan Best Services Award hial dawng theiha a awm chu a lawmpui thu a sawilang bawk. IGNOU-in Aizawl Regional Centre hnuaiah food processing & reserach centre a rawn hawng thei ta chuan thalaite tan eizawnna kawngah a tanpui hle a beisei thu Pu Lalkhama chuan a sawi.
IGNOU Regional Director Dr. S.R.Zonunthara pawhin thu sawiin IGNOU chu kum 1985 atanga din niin tunah chuan a hnuaiah zirlai maktaduai 2.5 an awm mek a ni, a ti. Mizoramah chuan IGNOU hian study centre 38 (Tele Learning Centre telin), Partner Institution 12 leh Community College 2 a nei/thawhpui mek a, zirna discipline/programme hrang hrang 56 lai a nei bawk. IGNOU Study Centre zawng zawng zingah Aizawl reional Centre hian zirlai an ngah ber thu a tarlang a. IGNOU Regional Centre Campus atan Durtlang, Aizawl-ah ram 1400 sq.m. lei a nih tawh thu Dr.Zonunthara hian a sawilang bawk a ni.
Vawiin Convocation-a zirla hlawhtlin mi 127 te hnenah Khuallian-in Certificate a hlan a ni.
IGNOU Regional Director Dr. S.R.Zonunthara pawhin thu sawiin IGNOU chu kum 1985 atanga din niin tunah chuan a hnuaiah zirlai maktaduai 2.5 an awm mek a ni, a ti. Mizoramah chuan IGNOU hian study centre 38 (Tele Learning Centre telin), Partner Institution 12 leh Community College 2 a nei/thawhpui mek a, zirna discipline/programme hrang hrang 56 lai a nei bawk. IGNOU Study Centre zawng zawng zingah Aizawl reional Centre hian zirlai an ngah ber thu a tarlang a. IGNOU Regional Centre Campus atan Durtlang, Aizawl-ah ram 1400 sq.m. lei a nih tawh thu Dr.Zonunthara hian a sawilang bawk a ni.
Vawiin Convocation-a zirla hlawhtlin mi 127 te hnenah Khuallian-in Certificate a hlan a ni.
